Урыссуда – мини завод

2015 елның 8 маенда полиция хезмәткәрләре ТР Дәүләт алкоголь инспекциясенең Әлмәт территориаль органы белгече белән берлектә Урыссу шәһәр тибындагы бистәсендә урнашкан торак йортларның берсендә гражданин Р.ның аракы җитештерү эшчәнлеген ачыклап,  аның бу законсыз гамәленә киртә куйды.

Баксаң, бу адәм шактый ук киң колачлы эш җәелдереп җибәргән икән. Аннан 5 литрлы канистрлардагы 265 литр күләмендә спиртлы сыекча, "Кристалл" аракысы этикеткасы ябыштырылган 2 литр, "В семейном кругу" этикеткасы белән 2,5 литр, "Старая Казань" этикеткасы белән 1,5 литр,  "Белая береза" этикеткасы белән 0,5 литр күләмендә спиртлы сыекчаның, 9 литр газсыз эчәр суның алынуы шул хакта сөйли.

Моннан тыш хәсрәт “эшмәкәр”дән федераль махсус маркалар, капкач, шешәләр, "В семейном кругу" аракысы өчен этикеткалар да табып алынды. Хәзерге вакытта спиртлы продукция, җинаять эше кузгату турында карар кабул итү өчен, экспертизага җибәрелде.