Июль аенда Татарстан Республикасы Дәүләт алкоголь инспекциясенең Чистай территориаль органы белгечләре полиция хезмәткәрләре белән берлектә алкогольле продукцияне ваклап сату вакытын чикләүне үтәмәүнең 6 очрагын ачыклады. Нурлат районында гына да тиешсез вакытта сыра сатуның – 4 һәм аракы сатуның 1 очрагы билгеле булды. Чистай районында иртән-иртүк сыра сату факты теркәлде.
Хәзерге вакытта тикшерүләр материаллары - административ хокук бозулар турында эшне карау стадиясендә.