Чәчләрегезгә чал кунса да, күңелегез һаман яшь сезнең!

Татарстан Республикасы Дәүләт алкоголь инспекциясенең Әлмәт территориаль органы начальнигы һәм хезмәткәрләре Өлкәннәр көнендә Асадуллиннар гаиләсендә булды. Гаиләнең һәр әгъзасына нык сәламәтлек, күңел күтәренкелеге теләп, бүләккә азык-төлек җыелмалары тапшырылды.

Чәй өстәле янындагы әңгәмә чын мәгънәсендә гаиләдәгечә, бик җылы килеп чыкты. Илһамия апа һәм Наил абый тормышларындагы хәтер-хатирәләр белән уртаклашты, кунакларны тәм-том һәм җиләк-җимеш белән сыйлады. Асадуллиннар гаиләсе кунаклар килүгә бик шат булып, үзләренә күрсәтелгән игътибарга чын күңелдән рәхмәт сүзләре ирештерде.