Җирле продукцияне сатуга этәргеч бирү юллары

2016 елның 26 феврале, җомга
Татарстан Республикасы Дәүләт алкоголь инспекциясе эшчәнлегендә төп юнәлешләрнең берсе – Татарстан Республикасы предприятиеләре продукциясен сату күләмен арттыруга юнәлдерелгән чараларны эшләү һәм тормышка ашыру.
Продукциянең сыйфаты имин тормышка ирешү, сәламәтлек һәм озын гомерле булуны тәэмин итүдә хәлиткеч факторларның берсе булып тора. ТР Дәүләт алкоголь инспекциясенең Әлмәт территориаль органы хезмәткәрләре, ел саен 15 мартта үткәрелә торган Бөтендөнья кулланучылар хокукларын яклау көне (быел бу көн “Менюдан антибиотикларны алып ташларга!” дигән девиз белән үтәчәк) алдыннан, Габдрахман авылында Әлмәт районы кулланучылар җәмгыятенең (РАЙПО) кондитер әйберләре производствосында “кунакта” булып кайтты. Биредә  составында ГМО булмаган экологик чиста, табигый продукция елдан-ел күбрәк җитештерелә. Тик продукция өчен сәүдә челтәрләренә юлны табуы гына авыр.
 Безнең төп максатыбыз – ризыклар һәм хезмәтләр күрсәтнең сыйфат проблемаларын игътибар үзәгенә алу, продукциянең сыйфатын яхшырту буенча тәҗрибә уртаклашу; җирле продукция җитештерүчеләрнең имиджын үстерүгә һәм җитештерелә торган продукциясен халыкка танытуга ярдәм итү.
РАЙПО системасы үзенең продукциясен популярлаштыру һәм рекламалау эшен үзенең сәүдә челтәрендә реклама баннерларын урнаштыру ярдәмендә хәл итеп килә. ТР Дәүләт алкоголь инспекциясенең территориаль органы хезмәткәрләре оешмага түбәндәгеләрне тәкъдим итте:
- продукция һәм аның бәяләре турында халыкка массакүләм мәгълүмат чаралары аша җиткерү;
- промо-акцияләр үткәрү;
- “җитештерүче-сатучы” турыдан-туры элемтәсен (азык-төлек товарларын сатуда иң нәтиҗәле чараларның берсе булып тора) оештыру.
ТР Дәүләт алкоголь инспекциясенең Әлмәт территориаль органы халыкны товарларның, эшләр, хезмәтләр күрсәтүләрнең бары тик сыйфатлысын гына сайлап алу күнекмәләренә өйрәтүгә юнәлдерелгән чараларны дәвам иттерәчәк. Шуның белән бергә, бу чаралар халыкның куллану базарында сатыла торган җирле һәм республика җитештерүчеләре товарлары турында мәгълүматларын үстерүгә юнәлдереләчәк.
Татарстан Республикасы Дәүләт алкоголь инспекциясенең Әлмәт территориаль органы
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
ВЕДОМСТВО ТУРЫНДА
ДОКУМЕНТЛАР
МАТБУГАТ ХЕЗМӘТЕ
ГРАЖДАННАР МӨРӘҖӘГАТЬЛӘРЕ
Адрес: Казан шәһәре, Һ.Такташ урамы, 94
Телефон: +7 (843) 278-92-00
Факс: +7 (843) 278-91-92
E-Mail: gosalcogol@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International