Татарстан Республикасы Ведомстволары Татарстан Республикасы Дәүләт алкоголь инспекциясе

Әлмәттә законсыз хәмерне тартып алу очраклары ишәя

2016 елның 25 марты, җомга

Дәүләт алкоголь инспекциясенең территориаль органы белгечләре ике ай эчендә барлыгы 21 тикшерү үткәргән. Тикшерүләр барышында 715 литр күләмендә алкогольле һәм спиртлы продукция хуҗаларыннан тартып алынган. Тәгаенләп әйткәндә, түбәндәге закон бозу очраклары ачыкланган: өй шартларында эшләнгән спиртлы продукция (көмешкә) сату - 5 очрак; алкогольле продукцияне ваклап сату вакытын чикләүне санга сукмау - 5 очрак; алкогольле продукцияне лицензиясез һәм документларсыз гына сату - 4 очрак; алкогольле продукцияне билгеләнгән үрнәктәге маркаларсыз гына әйләнештә йөртү - 3 очрак; “ике төрле максаттагы” спиртлы продукцияне законсыз сату - 2 очрак. Барлык эшләр буенча административ хокук бозу турында эшләр кузгатылган. Тикшерүләр алып барыла.

http://zt16.ru

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

«Арзан» сәүдә үзәгендә ике ведомство белгечләре чара уздырды

Яр Чаллыдагы «Арзан» сәүдә үзәге эшмәкәрләре Яр Чаллы территориаль органы һәм Роспотребнадзор белгечләре белән очрашты. Даими очрашуда кулланучылар базарының актуаль мәсьәләләре, шул исәптән товарларны «Гадел билге» системасында маркировкалау, маркировкаланмаган товарларны исәптән чыгару кагыйдәләре һәм 2026 елдан маркировкада булачак үзгәрешләр турында фикер алыштылар.

Кулланучыга җиһаз әзерләүгә шартнамә төзү тәртибен аңлаттылар

Татарстан Республикасы Дәүләт алкоголь инспекциясенең Чистай территориаль органына шәһәр кешесе җиһаз әзерләүгә шартнамә төзү турындагы сорау белән мөрәҗәгать итте. Ир-ат шәхси эшмәкәр белән шәхси эскиз буенча кухня гарнитурын әзерләүгә килешү төзергә ниятләгән, ләкин башкаручының типовой килешүендә сату-алу килешүе күрсәтелгән.

март, 2026 ел

Баулыда алкоголь продукциясен законсыз сату факты ачыкланды

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Баулы районы буенча идарәсеннән тикшерү материалы килде. «Д» кибетендә шәхси эшмәкәр закон тарафыннан тыелган вакытта законсыз рәвештә 2 шешә алкоголь саткан һәм «гадел билге»системасына сату турында хәбәр итмәгән. Алкоголь әйләнешенең хокукый нигезләре 171-ФЗ номерлы Федераль закон белән билгеләнгән. Бозган өчен РФ КоАПның 14.16 маддәсе 3 өлеше (ваклап сату кагыйдәләрен бозган өчен) һәм 15.12.1 маддәсе (мониторинг системасына белешмәләр кертмәгән өчен) каралган.

март, 2026 ел

Max: дәүләт хезмәтләренә һәм штрафларга тиз керү

Хәзер дәүләт хезмәтләре күрсәтү барышы турында хәбәрнамәләр турыдан-туры Max мессенджерына килә. Дәүләт хезмәтләрендә гариза статусын белү тагын да җиңеләйде: хәбәрләр шәхси кабинетка гына түгел, ә Max дагы рәсми дәүләт хезмәтләре ботына да килә (ул зәңгәр галочка белән билгеләнгән).

ЯҢАЛЫКЛАРГА ЯЗЫЛУ