Азнакай – Ютазы – М-5 автомобиль юлында бер иномарканың юлына аркылы төшелгән. Аның багажнигында 55 тартма спиртлы продукция табылган.
Ютазы районы автоинспекциясе хезмәткәрләре Азнакай – Ютазы – М-5 автомобиль юлында спиртлы эчемлек белән шыплап тутырылган бер җиңел автомобильне тоткарлаган.
Чаллыда яшәүче ир-ат “иярләгән” «Нissan Теаnа» автомобиль салонында Казахстанда җитештерелгән 0,5 литрлы 660 шешә (55 тартма) аракы табылган. Машина җирле полиция бүлегенә китерелеп, контрафакт хәмер продукциясе хуҗасыннан алынган, дип яза "Ютазинская новь".