Майның “кайнар” атнасы
ТР Дәүләт алкоголь инспекциясенең Түбән Кама территориаль органы контрольлек-инспекция бүлеге хезмәткәрләре бер атна эчендә генә дә (2016 елның 23-29 маенда) мөстәкыйль, шулай ук Эчке эшләр министрлыгы хезмәткәрләре белән берлектә түбәндәге закон бозу очракларын ачыклады:
- Аксубай районында гражданнарның шәхси йортларында көмешкә сатуның 3 очрагы (Иске Үзи авылында - 1 һәм Аксубай бистәсендә – 23 очрак);
- билгеләнгән үрнәктәге маркалардан башка гына алкогольле продукция әйләнешенең 2 очрагы (Аксубай һәм Сарман районнарында);
- лицензиядән башка гына алкогольле продукция сатуның 1 очрагы (Мөслим районы, Баланлы авылы);
- стационар булмаган сәүдә объектында алкогольле продукция (сыра) сатуның 1 очрагы (Түбән Кама ш., Спорт ур., 5 «б» й.);
- “ике төрле максатта” спиртлы сыекча сатуның 1 очрагы (Зәй ш., Ялчыгол ур., Үзәк базар).
Моннан тыш Түбән Кама, Сарман һәм Чирмешән районнарында хосусый эшмәкәрләр тарафыннан 2016 елның 1 кварталы өчен сыраны ваклап сату турында декларацияләр тапшырмаган өчен административ хокук бозулар хакында 3 беркетмә тутырылды.
Барлыгы 193,32 литр күләмендә хәмер продукциясе легаль булмаган әйләнештән алынды
Ачыкланган закон бозу фактлары буенча административ тикшерүләр үткәрелә.