Легаль булмаган хәмергә каршы көрәш буенча атна йомгаклары

2016 елның 27 июненнән 1 июльгә кадәр ТР Дәүләт алкоголь инспекциясенең Чаллы территориаль органы белгечләре алкогольле продукцияне тиешсез вакытта сату; “ике төрле максаттагы” спиртлы продукция сатуны ачыклау буенча төнге рейдлар үткәрде, бакчачылык ширкәтләренә рейдлар оештырды.

Нәтиҗәдә гамәлдәге законнарны бозуның түбәндәге очраклары ачыкланды:

- тиешле лицензиядән башка гына алкогольле продукция сатуның 1 очрагы;

- озату документларына ия булмаган килеш кенә “ике төрле максаттагы” спиртлы продукция сатуның 3 очрагы;

- федераль махсус маркалары ялган булган алкогольле продукция ташуның 1 очрагы;

- сыра продукциясен тиешсез вакытта сатуның 2 очрагы.

Июнь аенда ТР Дәүләт алкоголь инспекциясенең Чаллы территориаль органы белгечләре алкогольле һәм спиртлы продукциянең законсыз әйләнеше өлкәсендә барлыгы 36 закон бозу очрагын билгеләде.