Кинога ризык алып барырга ярыймы?
Татарстан Республикасы Дәүләт алкоголь инспекциясенең Әлмәт территориаль органына бер гражданин: “Кинотеатрга үзең белән ризык һәм эчемлекләр алып барырга ярыймы?”– дигән сорау белән мөрәҗәгать итте.
Әлмәт территориаль органы бу җәһәттән шуны хәбәр итә: кинотеатрга кергәнче кайдандыр сатып алынган ризык белән тамашачыны кинотеатр хезмәткәренең кинозалга кертмәве кулланучылар хокукларын яклау турында законда билгеләнгән кулланучылар хокукларын бозу булып тора. Чөнки бу законда сеанска ашау-эчү әйберләре белән керергә ярамый, дигән тыю күздә тотылмаган.
Кулланучылар хокукларын яклау турында гамәлдәге законда, шулай ук Россия Федерациясе Хөкүмәтенең 17.11.1994 ел, №1264 карары белән расланган Халыкка кино-видео хезмәте күрсәтү кагыйдәләрендә тамашачыны залга кертмәүнең яки залдан куып чыгаруның 2 нигезе генә күздә тотылган. Болар – тамашачының җәмәгать тәртибен бозуы һәм киновидеотамаша оешмасының мөлкәтенә зыян китерүе.
Татарстан Республикасы Дәүләт алкоголь инспекциясе Әлмәт территориаль органынының эчке базарны үстерү һәм координацияләү бүлеге начальнигы Виноградова Алина Игорьевна