Эшебезгә нәтиҗә ясадык
Татарстан Республикасы Дәүләт алкоголь инспекциясе Казан территориаль органының агымдагы елның 9 аендагы эшенә йомгак ясалды. Территориаль органның контрольлек-инспекция эшчәнлеген бәяләүдә күп санлы критерийларның берсе – ул да булса законсыз әйләнештән алынган алкогольле һәм спиртлы продукция күләме.
Хезмәткәрләребез 2016 елның 3 кварталында барлыгы 48 118,3 л алкогольле һәм спиртлы продукцияне законсыз әйләнештән алды, судлар карарлары нигезендә 24 762,7 л хәмер конфикацияләнде.
12 октябрьдә Казан территориаль органы легаль булмаган әйләнештән алынган 4 791, 1 л күләмендә алкогольле продукцияне юк итүгә тапшырды.
Гомумән алганда, 2016 елда барлыгы 34 723,6 л күләмендә алкогольле һәм спиртлы продукция юкка чыгарылды.
Мондый чараларның Татарстан Республикасы хәмер базарында закон бозу очракларын киметүгә китерүенә ышанабыз.