Татарстан Республикасы Ведомстволары Татарстан Республикасы Дәүләт алкоголь инспекциясе

Бәйрәм аянычлы тәмамланмасын

2016 елның 14 ноябре, дүшәмбе

27 октябрь көнне Россия Эчке эшләр министрлыгының Алабуга районы буенча бүлеге хезмәткәрләре Казан – Чаллы урау юлында, төгәлрәге, Алабуга шәһәре тирәсендә, ВАЗ 21140 маркасындагы автомобильне туктатып, багажнигында хәмер исе килеп торган үтә күренмәле сыекча тутырылган 1,5әр литрлы 19 пластик шешә табып алган.

Продукция хуҗасы – машина йөртүче аңлатуынча, аракыны, туй көнен һәм алда торучы Яңа ел бәйрәмен билгеләп үтү өчен, литр ярым сыешлы бер шешәсен 300әр сумнан сатып алган. Шул ук вакытта күзе төшкән хәмернең сыйфаты турында уйлап та карамаган.

Хәзерге вакытта ТР Дәүләт алкоголь инспекциясенең Чаллы территориаль органы хезмәткәрләре әлеге факт буенча административ тикшерү үткәрә. Хуҗасыннан тартып алынган продукция үрнәкләре экспертизага җибәрелде.

Татарстан Республикасы Дәүләт алкоголь инспекциясенең Чаллы территориаль органы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

«Арзан» сәүдә үзәгендә ике ведомство белгечләре чара уздырды

Яр Чаллыдагы «Арзан» сәүдә үзәге эшмәкәрләре Яр Чаллы территориаль органы һәм Роспотребнадзор белгечләре белән очрашты. Даими очрашуда кулланучылар базарының актуаль мәсьәләләре, шул исәптән товарларны «Гадел билге» системасында маркировкалау, маркировкаланмаган товарларны исәптән чыгару кагыйдәләре һәм 2026 елдан маркировкада булачак үзгәрешләр турында фикер алыштылар.

Кулланучыга җиһаз әзерләүгә шартнамә төзү тәртибен аңлаттылар

Татарстан Республикасы Дәүләт алкоголь инспекциясенең Чистай территориаль органына шәһәр кешесе җиһаз әзерләүгә шартнамә төзү турындагы сорау белән мөрәҗәгать итте. Ир-ат шәхси эшмәкәр белән шәхси эскиз буенча кухня гарнитурын әзерләүгә килешү төзергә ниятләгән, ләкин башкаручының типовой килешүендә сату-алу килешүе күрсәтелгән.

март, 2026 ел

Баулыда алкоголь продукциясен законсыз сату факты ачыкланды

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Баулы районы буенча идарәсеннән тикшерү материалы килде. «Д» кибетендә шәхси эшмәкәр закон тарафыннан тыелган вакытта законсыз рәвештә 2 шешә алкоголь саткан һәм «гадел билге»системасына сату турында хәбәр итмәгән. Алкоголь әйләнешенең хокукый нигезләре 171-ФЗ номерлы Федераль закон белән билгеләнгән. Бозган өчен РФ КоАПның 14.16 маддәсе 3 өлеше (ваклап сату кагыйдәләрен бозган өчен) һәм 15.12.1 маддәсе (мониторинг системасына белешмәләр кертмәгән өчен) каралган.

март, 2026 ел

Max: дәүләт хезмәтләренә һәм штрафларга тиз керү

Хәзер дәүләт хезмәтләре күрсәтү барышы турында хәбәрнамәләр турыдан-туры Max мессенджерына килә. Дәүләт хезмәтләрендә гариза статусын белү тагын да җиңеләйде: хәбәрләр шәхси кабинетка гына түгел, ә Max дагы рәсми дәүләт хезмәтләре ботына да килә (ул зәңгәр галочка белән билгеләнгән).

ЯҢАЛЫКЛАРГА ЯЗЫЛУ