Балык Бистәсенең акыллы кулланучыларын бүләкләү

23 май көнне Балык Бистәсе муниципаль районы Мәдәният йортында Татарстан Республикасы Дәүләт алкоголь инспекциясенең Казан территориаль органы начальнигы М.И.Егорова гомуми белем бирү учреждениеләрендә укучылар – “Куллану белеме – уңышка юл” конкурсы  призерларына грамоталар һәм истәлекле бүләкләр тапшырды.

Район конкурсында җиңүчеләр:

I урынга Олы Елга урта гомуми белем бирү мәктәбенең 9 сыйныф укучысы Абдуллина Ләйсән чыкты;

II урынны бүлеште:  Олы Елга урта гомуми белем бирү мәктәбенең 9 сыйныф укучысы Шәрәфиев Фәнил һәм Балыклы Чүкәй урта гомуми белем бирү мәктәбенең 8 сыйныф укучысы Мисфахова Айсылу.

III урында – Балык Бистәсе 1нче гимназиясенең  9 А сыйныфы укучысы Калабанова Марина.

Конкурс барышында алган белемнәренең бу егет-кызларга тормышта, кулланучы буларак, үз хокукларын яклау-саклауга һәм кулланучылар хокукларын яклау буенча республика олимпиадасында катнашуга ярдәм итәсенә ышанып калабыз.