Казахстан хәмере

2017 елның 22 августында Татарстан Республикасы Дәүләт алкоголь инспекциясенең Чистай территориаль органына Россия эчке эшләр министрлыгының Әлки районы буенча бүлегеннән 3 тикшерү материалы карап тикшерү һәм тиешле карар кабул итүгә алынды.

Полиция хезмәткәрләре  Алексеевск – Верхний Колок автомобиль юлында машиналар салонын тикшергәндә Казахстан Республикасында җитештерелгән хәмер продукциясенә тап булган.  Барлык продукциядә дә Россия Федерациясе законында билгеләнгән маркировканың юклыгы билгеләнгән. Шулай итеп, хокук саклау органнарының оператив гамәлләре нәтиҗәсендә бер көн эчендә 64 литр күләмендә легаль булмаган хәмер продукциясе хуҗаларыннан тартып алынган. Мәсәлән, гр. Р.Г. Шәфыйгуллин  һәркайсы  0,5әр литрлы  119 шешә «Кристалл» аракысыннан мәхрүм ителгән.

Хәзерге вакытта ТР Дәүләт алкоголь инспекциясенең Чистай территориаль органы хезмәткәрләре маркировкаланмаган хәмер продукциясен ташу фактлары буенча административ тикшерүләр үткәрә.