Көнкүреш хезмәтләре күрсәтүче предприятиеләр өчен кагыйдәләр

Һәрбер ателье яки чәчтарашханәдә күренеп торган урынга эш режимы һәм эш башкаручы турында мәгълүматлар эленеп куелган булырга тиеш: оешма өчен – фирма атамасы, урнашу урыны; хосусый эшмәкәр өчен – дәүләт теркәвенә алу турында мәгълүмат һәм аны теркәгән орган атамасы.
 Эш башкаручы фикерләр һәм тәкъдимнәр кенәгәсенә ия булырга һәм аны, таләп итүгә үк, кулланучыга бирергә тиеш. Кулланучы шулай ук күрсәтелә торган хезмәтләр, башкарыла торган эшләр исемлеге һәм хезмәтләрне күрсәтү формалары; күрсәтелә торган хезмәтләрнең бәяләре, шулай ук кулланыла торган материаллар, запас частьләр һәм фурнитура, түләү тәртибе һәм формалары турында мәгълүматлар; ташламалар алуга хокуклы кулланучылар категорияләре исемлеге, шулай ук хезмәтләр күрсәтелгәндә федераль законнар һәм Россия Федерациясенең башка хокукый актлары нигезендә  бирелә торган ташламалар исемлеге белән танышырга тиеш.
«Кулланучылар хокукларын яклау турында” 07.02.1992 ел, № 2300-1 РФ Законы һәм РФ Хөкүмәтенең 15.08.1997 ел, № 1025 карары белән расланган “Россия Федерациясендә яшәүчеләргә көнкүреш хезмәтләре күрсәтү кагыйдәләре” нигезендә, эш башкаручы түбәндәге очракларда җавап бирә: заказны сыйфатлы итеп үтәмәгәндә; заказны үтәү срогын бозганда; заказчының әйберен тулысынча яки өлешчә бозганда. Эш сыйфатлы итеп башкарылган очракта кулланучы, Законның 29 статьясы нигезендә, үз теләгенә карап, түбәндәгеләрнең берсен таләп итүгә хокуклы: эш башкаруның яңа срогын билгеләүгә; әйбергә башка урында заказ бирүгә һәм эш башкаручыдан тотылган чыгымнарын каплауны таләп итүгә; килешүне өзүгә, ягъни хезмәт күрсәтү һәм материал өчен түләнгән акчасын кире кайтаруны таләп итүгә.
Заказны бозган яки югалткан очракта: эш башкаручы Законның 35 статьясы нигезендә өч көн эчендә кулланучыга шундый ук әйберне тапшырырга яки, үзара килешү яисә бәяләү акты нигезендә, аның икеләтә бәясен түләргә тиеш.  
Эш башкаручының парфюмерия-косметика әйберләреннән файдалану нигезендә парикмахер хезмәтләре күрсәтелгәндә, кулланучы әлеге әйберләрдә күрсәтелгән мәгълүматлар белән танышуга хокуклы.

Моннан тыш эш сыйфатсыз башкарылган очракта эш башкаручыга карата претензия кую хезмәт күрсәтү турында язмача килешү (квитанция, башка документ) булган очракта гына бик уңышлы килеп чыгарга мөмкин. Тик менә бу килешү хезмәт күрсәтүче вәкилләре тарафыннан еш кына тиешенчә рәсмиләштерелми.

Хезмәт күрсәтүгә квитанциядә түбәндәге мәгълүматлар булырга тиеш:

- эш башкаручы оешмасының фирма атамасы һәм урнашу урыны (юридик адресы) (хосусый эшмәкәр өчен – фамилиясе, исеме, атасының исеме, дәүләт теркәвенә алу турында мәгълүматлар);

- хезмәт күрсәтү (эш башкару) төре;

- хезмәт күрсәтү (эш башкару) бәясе;