Кибәк Иле авылында күчмә кабул итү
2018 елның 11 июлендә ТР Дәүләт алкоголь инспекциясенең Казан территориаль органы начальнигы М.И.Егорова Питрәч муниципаль районы Кибәк Иле авылында күчмә кабул итүнең чираттагысын үткәрде. Кабул итүгә 7 кеше килде. Аларга түбәндәге мәсьәләләр буенча киңәш-табышлар бирелде:
- техник яктан катлаулы сыйфатсыз товарлар сатып алу турында;
- тиешле таләпләр кую сроклары турында;
- сыйфатлы товарларны кире кайтару сроклары турында;
- мебель ясау һәм аны китереп бирү срокларын бозу турында.
Татарстан Республикасы Дәүләт алкоголь инспекциясе белгечләре тарафыннан күчмә кабул итүләр вакытында әнә шундый очрашулар уздыру инде күптән традициягә әйләнде. Авылларда күчмә кабул итүләр һәрвакыт көтеп алына – чөнки алар гражданнарга, авылдан чыгып китмичә генә, күп кенә мәсьәләләрне урында хәл кылу мөмкинлеге бирә.
Кабул итү барышында мөрәҗәгать итүчеләрнең һәркайсына “Кулланучылар хокукларын яклау турында” 07.02.1992 ел, № 2300-1 Россия Федерациясе Законы нигезләмәләре, Товарларның аерым төрләрен сату кагыйдәләре һәм Россия Федерациясе Хөкүмәтенең 19.01.1998 ел, № 55 карары белән расланган Кире кайтарып яки башка үлчәмдәге, форма, габарит, фасон, төс яки комплектациядәге шундый ук башка товарга алыштырып булмый торган сыйфатлы азык-төлек булмаган товарлар исемлеге нигезендә аңлатмалар бирелде.