Маникюр кирәк-яраклары кибетендә семинар-уку
2019 елның 19 февралендә ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече шәхси эшкуар Д.Д.Шәмсетдиновның маникюр кирәк-яраклары сатыла торган сәүдә объектында белем бирүле семинар уздырды. Әлеге сәүдә объектында эшкуар кул-аяк тырнакларын тәртипкә китереп бизәү хезмәтләрен күрсәтә. Семинар барышында "Кулланучыларның хокукларын яклау турында" Россия Федерациясе Законының төп нигезләмәләре; РФ Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре; РФ Баш дәүләт санитар табибының карары; ГОСТ Р 58091-2018 "Тырнак сервисы. Терминология, классификация һәм гомуми таләпләр" турында аңлатылды.
Тырнакларны тәрбияләү, буяу, матурлау буенча сервис хезмәтләреннән файдаланучыларга төп киңәшләр:
- барлык бүлмәләр һәм җиһазлар чисталыкта тотылырга тиеш. Бүлмә эче, юа һәм йогышсызландыра торган чараларны кулланып, көненә кимендә ике мәртәбә юешләп сөртелергә тиеш;
- маникюр һәм педикюр кораллары стерильләштерелергә, стерильләштерелгән төргәкләү материаллары белән төргәкләнгән булырга һәм шуларда сакланырга тиеш;
- педикюр ясаганда аяк астына куела торган мендәрнең тышлыгы клеенкадан ясалган булырга һәм һәр кулланган саен йогышсызландыра торган сыеклык белән сөртелергә тиеш. Бер кулланыла торган тышлыклар кулланырга рөхсәт ителә;
- аяк-кул ванналары һәр клиенттан соң йогышсызландырылырга тиеш;
- маникюр һәм педикюр ясаганда һәр кулланучы өчен бер кулланылучы юешләнми торган салфеткалар файдаланылырга, алар һәр кулланган очракта йогышсызландырылырга һәм утильгә озатылырга тиеш;
- тырнак сервисы студиясе хезмәткәрләре медицина карауларын узарга, шәхси медицина кенәгәсе булдырырга һ.б. тиеш.
Чара азагында "Вестник потребителя" газетасы, товарлар һәм хезмәт күрсәтүләр турында төрле мәгълүматлар урнаштырылган брошюралар һәм буклетлар таратылды.