Тыелган сәгатьләрьдә сыра сату очраклары ачыкланды
Беренче Май бәйрәмнәрендә Татарстан Республикасы Дәүләт алкоголь инспекциясенең Чистай территориаль органы белгечләре юридик затлар һәм шәхси эшкуарлар белән үзара бәйләнешкә кермичә уздырылган контрольлек чаралары барышында 3 очракта алкогольле продукцияне ваклап сатуда вакыт чикләмәләренең сакланмаганлыгын ачыклады. Кибеттәге сатучылар, тыюга карамастан, гражданнарга иртәнге сәгать 10 кадәр сыра сатканнар. Шулай итеп, тыелган сәгатьләрдә сыра сатуның ике факты – Нурлат районында, берсе Алексеевск районында ачыкланган.
Әйтик, Алексеевск районы Биләр авылында "Сказка" кибетендә иртәнге 8 сәгать 55 минутта әлеге кибеттә сату эшчәнлеген гамәлгә ашыручы шәхси эшкуар таныш булмаган ир-атка 1,35 литр күләмендә сыра саткан. Аның аңлатмаларына караганда, ул сыраны сәгатькә карамау сәбәпле тыелган вакытта саткан.
Хәзерге вакытта тикшерү материаллары административ хокук бозу турындагы эш кузгату стадиясендә.