Татарстан Республикасы Дәүләт алкоголь инспекциясенең халык арасында "Сезнең өчен сәламәт яшәү рәвеше нәрсә ул?" темасына анкета нәтиҗәләре турында
Татарстан Республикасы Дәүләт алкоголь инспекциясенең Казан территориаль органы халык арасында "Сезнең өчен сәламәт яшәү рәвеше нәрсә ул?" темасына анкета үткәрде.
Сораштыруда барлыгы 100 кеше катнашты, аларның 63 проценты – хатын-кыз һәм 37 проценты – ир-ат.
"Сезнең өчен сәламәт яшәү рәвеше нәрсә ул?" дигән сорауга респондентларның күбесе (48%ы), безнең яшәү рәвеше сәламәтлекне саклауга юнәлдерелгән, дип җавап биргән. Сораштырылучыларның 34%ы сәламәт яшәү рәвеше – көн режимын саклау һәм дөрес туклану, дип саный. Респондентларның 18%ы сәламәт яшәү рәвеше – спорт белән шөгыльләнү һәм чыныгу, дип җавап биргән.
Сораштырылучыларның 52%ы өлешчә сәламәт яшәү рәвеше алып бара. 33%ы сәламәт яшәү рәвешен даими алып бара. 15%ы сәламәт яшәү рәвешен алып бармый.
"Сәламәт яшәү рәвешеннән сез нинди нәтиҗә көтәсез?" соравына җаваплар статистикасы түбәндәгечә күренә:
А) авырулар борчымасын – 48%
В) озак яшәү – 16%
С) матур күренү – 29%
Д) тормышта барысына да ирешү – 7%
Сәламәт яшәү рәвеше принципларын сакларга нәрсә комачаулый соң?
Беренче урында, әлбәттә, вакыт җитмәү (44%). Сораштырылучыларның 28%ы кирәкле үҗәтлек, ихтыяр көче җитеп бетми, дип җаваплаган. Сораштырылучыларның 17%ы матди кыенлыклар кичерә. Респондентларның 11 проценты продуктларның түбән сыйфатлы булуы, начар экологиянең комачау итүе яисә болар белән шөгыльләнүнең кызыклы булмавы турында күрсәткән.