Хокукый грамоталылыкны арттырабыз

2019 елның 27 июне, пәнҗешәмбе

Актаныш районында кулланучылар кулланучыларның хокукларын яклау өлкәсендәге белемнәрен камилләштерде. Чаллы территориаль органы контроль-инспекция бүлегенең әйдәп баручы белгече тарафыннан "Агроторг" ҖЧҖ "Пятерочка" кибетендә чара үткәрелде, аның төп максаты – район халкына законнар коллизияләрен аңларга ярдәм итү, аларның хокукый грамоталылыгын күтәрү.

Чара барышында кулланучыларның хокукларын яклауны бозуга бәйле конкрет хәлләр һәм аларны хәл итүнең оптималь вариантлары каралды. Чараны үткәрү кысаларында кулланучыларның үзара мөнәсәбәтләре өлкәсендә актуаль темаларга мәгълүмати белешмәлекләр, шулай ук "Вестник потребителя Татарстана" газетасының соңгы саны таратылды.