Хокук сәгате: Бөтендөнья сыйфат көне
14 ноябрьдә, ел саен ноябрьнең икенче пәнҗешәмбесендә билгеләп үтелә торган Бөтендөнья сыйфат көнен үткәрү кысаларында, ТР Дәүләт алкоголь инспекциясенең Чаллы территориаль органы Менделеев шәһәренең 2 нче мәктәбендә, ТР Дәүләт алкоголь инспекциясенең Чаллы территориаль органы белән берлектә, "Бөтендөнья сыйфат көне" темасына хокук сәгате оештырды.
10 нчы сыйныф укучыларына (укытучысы О.В.Миронова) бәйрәмнең килеп чыгу тарихы, Россиянең патша чорыннан алып бүгенге көнгә кадәр сыйфат турында булган төшенчә, стандартлар һәм сыйфат билгеләре турында, 2015 нче елда "Роскачество" оешмасының гамәлгә куелуы турында мәгълүмат җиткерелде, сынаулар үткән товарларның саны, Сыйфат Билгесенә ия булган брендларның саны турында статистика мәгълүматлары китерелде.
Очрашу дәвамында укучылар катнашында мини-викторина үткәрелде, анда укучылар җәмгыять белеме дәресләре нигезләре буенча белемнәрен күрсәтә алды, ребуслар һәм мәсьәләләрне чишүдә зирәклек күрсәтте. Балалар тарафыннан тиз арада "Картлач сыерны ничек саткан?" дигән спектакль сәхнәләштерелде, шуннан соң анда катнашучылар товарны сатканда кулланучыларның хокукларын бозу мөмкинлеге турындагы вариантлар һәм версияләр турында сөйләде.
Чара кызыклы һәм мавыктыргыч формада узды. Очрашу ахырында очрашуда катнашучылар кунакларга үткәрелгән чара өчен рәхмәт әйтте һәм алга таба да хезмәттәшлеккә өмет белдерде.
Балаларга һәм укытучыларга кулланучыларның хокуклары турында мәгълүмат урнаштырылган брошюралар тапшырылды.