"Кышкы ял" темасы буенча халык арасында анкета үткәрү нәтиҗәләре хакында
Татарстан Республикасы Дәүләт алкоголь инспекциясенең Казан территориаль органы кышкы ял турында халык арасында анкета үткәрде.
Сораштыруда 150 кеше катнашты.
"Сез актив кышкы ялны яратасызмы?" – дигән сорауга җавап бирүчеләрнең күбесе (75%) уңай җавап биргән. Респондентларның 25%ы актив кышкы ялны яратмый.
Җавап бирүчеләрнең күпчелеге (62%) тимераякка өстенлек бирә икән. Респондентларның 21%ы чаңгыда йөрергә ярата, 17%ы сноуборд куллана.
"Сез спорт инвентарен прокатка аласызмы?" – дигән сорауга бирелгән җаваплар статистикасы түбәндәгечә: гадәттәгечә, респондентлар спорт инвентаре прокатыннан аеруча еш файдалана икән (72%). Җавап бирүчеләрнең 20%ы прокатка алмый, 8%ы җавап бирә алмаган.
Сораштыру күрсәткәнчә, респондентларның 59%ына хәзерге вакытта спорт инвентареның сыйфаты ошый. Җавап бирүчеләрнең 23%ы спорт инвентареның сыйфатыннан канәгать түгел, 18%ы әлеге сорауга җавап бирергә кыенсына.