Арча территориаль органында хезмәт әзерлеге буенча йомгаклау дәресе узды
"Татарстан Республикасы Дәүләт алкоголь инспекциясенең Татарстан Республикасы дәүләт граждан хезмәткәрләренең һөнәри үсеше программасы"н гамәлгә ашыру һәм һөнәри-кирәкле белемнәр һәм күнекмәләр формалаштыру эшен активлаштыру максатыннан чыгып, 2019 елның 27нче ноябрендә Татарстан Республикасы Дәүләт алкоголь инспекциясенең Арча территориаль органында 19 төркемгә хезмәт әзерлеге буенча ахыргы дәрес үткәрелде. Чара хезмәткә әзерлекнең тематик планы нигезендә оештырылды һәм үткәрелде. Ел дәвамында, февральдән башлап, дәүләт граждан хезмәтенә, дәүләт хезмәткәрләренең үзләренә, аларның сәламәтлегенә, эмоциональ торышына һәм территориаль орган эшчәнлегенә кагылышлы темаларга 19 дәрес үткәрелде, ягъни узган барлык темалар да бик мөһим һәм кызыклы булды.
Ахыргы дәрестә Татарстан Республикасы Дәүләт алкоголь инспекциясенең эчке базарны үстерү һәм координацияләү бүлеге җитәкчесе Розалия Арсланова катнашты. Дәресләрнең нәтиҗәләре буенча фикер алышынды. Алынган белемнәрне тикшерү максатыннан хезмәткәрләр белән сорау-җавап формасында әңгәмә үткәрелде. Сораулар өйрәнелгән материал буенча бирелде. Куратор тарафыннан шулай ук белемнәр генә түгел, хезмәткәрләрнең конспектлары һәм дәресләрне исәпкә алу журналы да тикшерелде.