Чарада катнашучыларга, шул исәптән кулланучыларның хокукларын яклау өлкәсендә дә, белгечләрдән консультация алу мөмкинлеге тудырылды
Инвалидлар декадасы кысаларында Алексеевск районы мәдәният йорты фойесында интерактив мәйданчык эшләде, анда иҗади мастер-класслар, өстәл спорт уеннары буенча мини-ярышлар, балалар өчен рәсем күргәзмәсе узды, осталык һәм кул эшләре буенча ярминкә эшләде, осталар арасында физик мөмкинлекләре чикләнгән кешеләр дә бар иде.
Инвалидлар бәйрәмнең җылы, дустанә атмосферасында үзләрен борчыган мәсьәләләр турында сөйләшә, шатлыклары һәм кичерешләре белән уртаклаша алды. Чарада катнашучыларга, шул исәптән кулланучыларның хокукларын яклау өлкәсендә дә, белгечләрдән консультация алу мөмкинлеге тудырылды.
"Без бергә" дип исемләнгән чараның нәтиҗәсе буларак, зур концерт булды һәм мөмкинлекләре чикләнгән гражданнарга казанышлары һәм уңышлары өчен бүләкләр тапшырылды.