Питрәч муниципаль районында ведомствоара комиссия утырышы булды
Бүген Питрәч районы Башкарма комитетында 2019 елның 11 ае йомгаклары буенча Питрәч муниципаль районы территориясендә алкогольле һәм спиртлы продукциянең законсыз әйләнешен кисәтү һәм булдырмау буенча ведомствоара комиссиянең чираттагы утырышы узды. Утырыш эшендә Питрәч муниципаль районы Башкарма комитеты җитәкчесе А. В. Хәбибуллин, Татарстан Республикасы Дәүләт алкоголь инспекциясенең Казан территориаль органы башлыгы М.И.Егорова, Питрәч муниципаль районы Башкарма комитеты җитәкчесенең беренче урынбасары, Питрәч муниципаль районы Башкарма комитетының икътисад бүлеге башлыгы, Кулланучылар хокукларын яклау һәм кешенең уңай тормышы өлкәсендә күзәтчелек буенча федераль хезмәтнең Татарстан Республикасы буенча идарәсенең Лаеш, Питрәч һәм Балык Бистәсе районнарында территориаль бүлеге башлыгы урынбасары, Россия Эчке эшләр министрлыгының Питрәч районы буенча бүлеге, район мәгариф бүлеге, район үзәк хастахансәе, суд приставлары хезмәте бүлеге вәкилләре, шулай ук Алкоторг, «Белый Кремль» ААҖ, «Булгарпиво» ААҖ,«АБ ИнБев-Эфес» АҖ вәкилләре катнашты.
Комиссия утырышында җирле алкогольле продукцияне ваклап сату базарында вәзгыять, «Булгарпиво» ААҖ, «АБ ИнБев-Эфес» АҖ, «Белый Кремль» ААҖ җитештергән сыраны ваклап сату челтәренә китерү күләмнәре, Питрәч муниципаль районы территориясендә алкогольле продукция белән агулану очраклары, шулай ук алкогольле һәм спиртлы продукциянең законсыз әйләнеше өлкәсендә ачыкланган хокук бозулар турында мәсьәләләр каралды.