Товар турындагы мәҗбүри һәм дөрес мәгълүмат мәсьәләсенә аерым игътибар бирелде
ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече Татарстан Республикасы Әтнә муниципаль районы Олы Әтнә авылында урнашкан сәүдә ноктасында сатучы һәм эшкуар өчен өйрәнү семинарын үткәрде. Чарада хезмәткәр РФ Хөкүмәтенең 1998 елның 19 гыйнварындагы 55 номерлы карары белән расланган Товарларның аерым төрләрен сату кагыйдәләре, "Кулланучыларның хокукларын яклау турында"гы РФ Законы белән таныштырды.
Семинар барышында азык-төлек булмаган товарларны сату тәртибе турында аңлатылды, бу өлкәдә сатып алучылардан еш очрый торган шикаятьләр һәм мөрәҗәгатьләр каралды, аларны карау тәртибе турында аңлатылды. Сатучы, товарлар һәм аларны җитештерүчеләр турында кулланучы тарафыннан аларны дөрес сайлау мөмкинлеген бирә торган мәҗбүри һәм дөрес мәгълүмат булуына кагылышлы мәсьәләгә аерым игътибар бирелде. Эшкуарга һәм сатучыга сатыла торган товарларга бәяләрне ничек итеп дөрес рәсмиләштерергә һәм урнаштырырга кирәклеге турында аңлаттылар. Моннан тыш, семинарда катнашучыларның игътибары сатып алучыларга хезмәт күрсәтү культурасына һәм кулланучылар белән низаглы хәлләргә юл куймауга, кибетнең эш режимын саклауга юнәлтелде. Тиешле тематикага багышланган буклет таратылды.