Сыйфатлы бижутерияне кире кайтарып буламы?
Һәр хатын-кыз кабатланмас, оригиналь, сөйкемле булырга тели һәм әйләнә-тирәдәгеләр өчен кызыклы булырга ярата. Билгеле булганча, дөрес сайланган бизәнү әйберләре, образны тулы һәм төгәлләнгән итеп, теләсә кайсы хатын-кызны үзгәртергә сәләтле.
Нәрсә соң ул бижутерия? Аны кире кайтарып буламы?
Бижутерия – ул кыйммәтле булмаган металлдан ясалган, эретеп ябыштырылган һәм ташлардан ясалган бизәнү әйбере түгел, ә башка материаллардан (мәсәлән, пластик, төсле пыяла, керамика һ.б.) ясалган бизәнү әйбере. Тышкы кыяфәте буенча бижутерия бик кыйммәтле "чын" зәркән эшләнмәсенә охшап торырга мөмкин, әмма ләкин аның хакы күпкә арзанрак була.
Шул рәвешле, "Сыйфатлы бижутерияне кире кайтарып буламы?" – дигән сорауга кыю төстә "Әйе, бижутерияне кире кайтарырга мөмкин, чөнки ул РФ Хөкүмәтенең 1998 елның 19 гыйнварындагы 55 номерлы карары белән расланган Кире кайтарып яки башка үлчәмдәге, форма, габарит, фасон, төс яки комплектациядәге шундый ук товарга алмаштырып булмый торган, азык-төлек булмаган сыйфатлы товарлар исемлегенә керми", – дип җавап бирергә була.
"Кулланучыларның хокукларын яклау турында" 1992 елның 7 февралендәге 2300-I номерлы РФ Законының 25 статьясы нигезендә, кулланучы азык-төлек булмаган сыйфатлы товарны, күрсәтелгән товар формасы, габариты, фасоны, төсе, үлчәме яки комплектациясе буенча туры килмәсә, шушы товар сатып алынган сатучыдан шундый ук товарга алмаштырырга хокуклы.
Кулланучы, сатып алу көнен санамыйча, ундүрт көн эчендә азык-төлек булмаган сыйфатлы товарны алыштыруга хокуклы.
Товар кулланылмаса, товар буларак кыяфәте, куллану үзлекләре, пломбасы, фабрика ярлыклары сакланган булса, шулай ук товар чегы яки касса чегы, яисә әлеге товар өчен түләгәнлекне раслый торган башка төрле документ булган очракта, азык-төлек булмаган сыйфатлы товар тиешенчә алмаштырыла. Кулланучының товар чегы, касса чегы яисә товар өчен түләүне раслаучы башка документы булмавы аны шаһит күрсәтмәләренә сылтама ясау мөмкинлегеннән мәхрүм итми.