Татарстан Республикасы Дәүләт алкоголь инспекциясенең Яшел Үзән территориаль органында 2019 елгы эшчәнлеккә йомгак ясалды
13 нче февральдә Татарстан Республикасы Дәүләт алкоголь инспекциясенең Яшел Үзән территориаль органында территориаль орган кураторы – ТР Дәүләт алкоголь инспекциясенең контроль-инспекция бүлеге башлыгы Татьяна Хәбибуллина катнашында 2019 елгы эшчәнлеккә йомгак ясау буенча киңәшмә узды.
Киңәшмә барышында эшчәнлекнең төп юнәлешләре: контроль-инспекция бүлеге, эчке базарны үстерү һәм координацияләү бүлеге эше, административ-хокукый эшчәнлек һәм лицензияләү мәсьәләләре турында фикер алыштылар.
Агымдагы елда беркетергә һәм кабатларга кирәк булган уңай эш нәтиҗәләренә генә түгел, территориаль орган эшчәнлеген бәяләүнең аерым индикаторларын үтәүгә комачаулаган проблемаларга да аерым игътибар бирелде.
Агымдагы елга эшнең төп юнәлешләре билгеләнде, үткәрелгән контроль һәм профилактик чараларның нәтиҗәлелеген арттыруның мөмкин булган резервлары билгеләнде.
2019 ел нәтиҗәләре буенча территориаль орган эшчәнлеге канәгатьләндерерлек дип танылды.
Территориаль органның ике хезмәткәре 2019 елда яхшы эш күрсәткечләре өчен Татарстан Республикасы Дәүләт алкоголь инспекциясенең Мактау грамотасы һәм Рәхмәт хаты белән бүләкләнде.