Мәгълүмат кампаниясе башланды
Түбән Кама территориаль органында Дөньякүләм кулланучылар хокукларын яклау көне кысаларында мәгълүмат кампаниясе башланып китте. 22 нче февраль көнне Сарман муниципаль районының Җәлил бистәсендә Җиңүнең 30 еллыгы урамы, 10б адресы буенча урнашкан "Находка" кибетен ачу тантанасы булды, анда товарларның киң ассортименты: ярмалар, токмач ризыклары, консервлар, он, шикәр, үсемлек мае, кием-салым, көнкүреш химиясе һәм балалар товарлары, җиләк-җимеш һәм яшелчәләр тәкъдим ителгән. Әлеге көн биюләр, җырлар, текә бүләкләр уйнату, шоу-программа, дегустация, яхшы кәеф һ.б. белән үрелеп барды. Зур, якты сәүдә залына бик күп кеше килде, алар киштәләрдәге төрледән-төрле әйберләрне күзәтте. Сүз дә юк, бистә халкы яңа кибетне ачканнары өчен бик рәхмәтле, монда, беренче кирәк-ярактан бигрәк, Ватанны яклаучылар һәм якынлашып килүче Халыкара хатын-кызлар көненә дә бүләкләр сатып алырга була, арада ниндиләре генә юк, артык әһәмиятле чаралар өчен дә, көндәлектә ярап куя торганнары да.
Сәүдә объектын ачу тантанасына Түбән Кама территориаль органы хезмәткәре Кадрия Вагыйзова да килде һәм сатучылар белән кулланучыларның хокукларын яклау өлкәсендәге законнарның аерым нигезләмәләрен куллануга бәйле мәсьәләләр турында фикер алышты. Шулай ук кулланучыларның хокукларын яклау өлкәсендә төп хокук бозулар, законнарны бозган өчен административ һәм гражданлык-хокукый җаваплылык чаралары турында да мәгълүмат бирелде. Чаралар циклы кулланучылар өчен консультацияләү өстәле артында тәмамланды. Шунда ук кулланучыларның хокукларын яклау мәсьәләләре буенча мәгълүмати материал-белешмәлекләр һәм буклетлар да таратылды.