Бу актуаль: куллар өчен антисептик чара сайлыйбыз
Кулларның чиста булуы бик мөһим, ләкин су белән сабын булмаса нишләргә соң? Мондый очракларда кул өчен антисептик чаралар ярдәмгә килә. Андый препаратлар бик нәтиҗәле, чөнки барлык микробларны да юк итә, дип исәпләнә.
Антисептиклар – алар авыру чыганагы булырга мөмкин булган микроорганизмнарны юк итәргә сәләтле, аларның үсешен һәм үрчүен бастыра торган махсус матдәләр.
Антисептиклар ике төргә бүленә:
1. Профессиональ. Алар медицина учреждениеләрендә, кунакханәләрдә, косметика салоннарында һ.б. кулланыла.
2. Көнкүреш. Көндәлек тормышта кулларны йогышсызландыру өчен кулланыла.
Куллар өчен мондый чаралар берничә формада чыгарыла – гель, сыекча, салфетка һәм спрей. Барысы да сезнең нәрсәгә өстенлек бирүегезгә карый.
Мондый чараларда, кагыйдә буларак, этил спирты яки изопропил спирты төп тәэсир итү чарасы буларак кулланыла.
Спрейларда гадәттә спирт күбрәк була, шуңа күрә аларны тәнне киптерергә мөмкин.
Антисептик чараны ничек сайларга?
- аллергия күренешләре булмасын өчен аның составына игътибар итегез;
- куллану вакыты узган антисептикны кулланмагыз.
Кулларны һәрвакыт эшкәртеп торыгыз:
- җәмәгать урыннарында булганда;
- җәмәгать транспортыннан файдаланганда;
- кешеләр белән аралашканда;
- эш вакытында.
Әгәр дә яраклылык вакыты узган антисептик сатып алган булсагыз, нишләргә?
18 статья нигезендә кулланучы:
- товарны шул ук маркадагы (шул ук модель һәм (яки) артикулдагы) товарга алмаштыруны таләп итәргә;
- башка маркадагы (модель, артикулдагы) шундый ук товарга алыштыруны таләп итәргә;
- сатып алынган бәясен тиешенчә киметүне таләп итәргә;
- товардагы кимчелекләрне кичекмәстән бетерүне яки аларны кулланучы яки өченче зат тарафыннан бетерү чыгымнарын кайтару турында таләп итәргә;
- сату-алу шартнамәсен үтәүдән баш тартырга һәм товар өчен түләнгән акчаны кире кайтаруны таләп итәргә хокуклы. Сатучының таләбе буенча һәм аның хисабына кулланучы кимчелекләре булган товарны кире кайтарырга тиеш.
Шул ук вакытта кулланучы сыйфатсыз товар сату нәтиҗәсендә үзенә китерелгән зыянны да тулысынча каплау турында таләп итәргә хокуклы.