Тротуар плиткасын сыйфатсыз салу: кулланучыга файдалы киңәшләр
ТР Дәүләт алкоголь инспекциясенең Чаллы территориаль органы "Кайнар линия" телефонына консультация бирүне сорап кулланучы шалтыратты: тротуар плитәләрен салу буенча сыйфатсыз хезмәт күрсәтелде, кулланучы хокукларын яклау буенча мин нишләргә тиеш?
Узган елның көзендә подрядчы оешма плитә җәйлгән. Агымдагы елның язына плитә кайбер урыннарда урыныннан кубып, тишекләр барлыкка килгән. Белгечләр аңлатканча, «Кулланучылар хокукларын яклау турында» 07.02.1992 ел, № 2300-1 РФ Законының 29 маддәсе. 1 өлеше (алга таба - Закон) нигезендә, кулланучы башкарылган эшнең җитешсезлекләрен ачыклаганда үз теләге белән түбәндәгеләрне таләп итәргә хокуклы:
- башкарылган эшләрнең (күрсәтелгән хезмәтләрнең) җитешсезлекләрен бетерү);
- башкарылган эш (күрсәтелгән хезмәт) бәясен тиешле дәрәҗәдә киметү;
- бер үк сыйфатлы материалдан эшне кабат башкару. Шул ук вакытта кулланучы элек бирелгән әйберләрне кире кайтарырга тиеш;
- җитешсезлекләрен бетерү буенча үз көчләре яисә өченче затлар тарафыннан башкарылган эш (күрсәтелгән хезмәт) өчен аларга тотылган чыгымнарны каплау.
Кулланучы эш башкару (хезмәт күрсәтү) турындагы шартнамәне үтәүдән баш тартырга, әгәр килешүдә күрсәтелгән срокта башкарылган эшләрнең (күрсәтелгән хезмәт күрсәтүнең) җитешсезлекләре башкаручы тарафыннан бетерелмәсә, чыгымнарны тулысынча каплауны таләп итәргә хокуклы. Кулланучы шулай ук башкарылган эшнең (күрсәтелгән хезмәтнең) җитешсезлекләре яки килешү шартларыннан баш тартса, эшне башкару (хезмәт күрсәтү) турындагы шартнамәне үтәүдән баш тартырга хокуклы.
Тротуар плитәсен җәйгәндә очрый торган төп хаталар:
- нигезне әзерләүдәге кимчелекләр;
- плитка өчен мәйданчыкны дөрес тамгаламау;
- рәсемне дөрес итеп туры китермәү;
- герметизация булмау;
- аерым плитәләрнең авышлыгы;
- тиешле булмаган келәй куллану.
Тротуар плитәсен җәю буенча киңәшләр:
- плитәне бетон нигезгә салырга ярамый, чөнки катлам тиз арада яраксызга чыгачак;
— бордюр ташын әйбәтләп тыгызларга, плитә таралмасын өчен, аны эретмәгә утыртырга киңәш ителә;
- тигезләү катламын урнаштыру өчен балчыклы ком кулланырга ярамый;
- яңгыр яуганда плитка җәеп булмый;
- плитә җәю вакытында һәрдаим аның тигезлеген тикшереп тору зарур;
- плиткалар арасына ком һәм катнашмалар, шулай ук пычкы чүбен кулланырга киңәш ителми.