Кәрәзле телефоннар сатканда һәм сатып алганда кулланучы әлифбасы
Кулланучыларның үз хокукларын яклау буенча мөрәҗәгатьләрнең зур өлешен кәрәзле телефон сатып алган вакытта килеп туган бәхәсле очраклар тәшкил итә. Бу юнәлештә хокук бозулар азрак булсын өчен, Түбән Кама территориаль органы хезмәткәре Аксубай районында кәрәзле элемтәнең бер сәүдә ноктасында эшләүчеләр, шулай ук аксубайлылар өчен кулланучылар законнары өлкәсендә мәгълүмат бирде.
Игътибар итегез! Кәрәзле телефонны сатып алганда ул кулланучыга аны кире кайтарырга ярамый. Бу товарларның аерым төрләрен сату Кагыйдәләре белән билгеләнгән (РФ Хөкүмәте карары), алар техник яктан катлаулы товарлар буларак телефоннарны (сыйфатлы) төзәтү, башка модель яки төстәге шундый ук товарга кире алмаштырылырга яки кайтарылырга тиеш түгел («Кулланучылар хокукларын яклау турында” РФ Законының 25 маддәсе). Күп кенә кулланучылар, телефон сатып алган вакытта сатучы аппаратның үзенчәлекләре турында дөрес сөйләмәде, дип башлый. Тик шуны аңларга кирәк, гражданинның сатып алу вакытында инструкцияне җентекләп өйрәнү мөмкинлеге бар, анда барысы да җентекләп язылган.
Ошаган телефон моделен сайлап, түбәндәге моментларга игътибар итәргә кирәк: товар комплектына (эксплуатация буенча инструкция һәм рус телендә гарантия талоны, шулай ук аккумулятор һәм зарядкалау җайланмасы); серияле номерларны (IMEI - мобиль җиһазның Халыкара идентификаторы) чагыштыру өчен телефон тартмасында һәм корпусында күрсәтелгән.
Техник яктан катлаулы товарлар сатканда җитештерүче фирма яки сатучы фирма кулланучыга гарантия бирә. Бер яктан, гарантия срогын закон билгеләргә мәҗбүр итә, икенче яктан – гарантия срогын арттыру кулланучыларны җәлеп итә.
Кесә телефоны өчен акчаны кайтаруны кайчан таләп итәргә була соң? Әгәр кулланучы сатучыга телефон ватылу турындагы шикаять белән сатып алганнан соң 15 көн үткәнчегә кадәр мөрәҗәгать итсә, акчаны кире кайтаруны таләп итәргә мөмкин. Дефект телефон сатып алганнан соң уналтынчы көнгә яки тагын да соңрак ачыкланса, телефон өчен акчаны бары тик җитешсезлек, товарның мөмкин кадәр рөхсәт ителгән ремонт вакытын бозу очракларында гына кире кайтарырга мөмкин. Аның төрле кимчелекләрен берничә тапкыр бетерү нәтиҗәсендә, һәр ел дәвамында гарантия срогы утыз көннән артык булган товардан файдалану мөмкинлеге булмау да аны кире кайтаруга сәбәп була ала.