Kazan Digital Week - 2020 халыкара форумы
2020 елның 21-24 сентябрендә Татарстан Республикасы Министрлар Кабинеты Россия Федерациясе Хөкүмәте ярдәмендә Kazan Digital Week - 2020 халыкара форумын үткәрә.
Форумның төп идеясе - ерак форматта белгечләр арасында максималь фәнни һәм икътисадый нәтиҗәгә ирешү. Форум программасында - дискуссияләр һәм түгәрәк өстәлләр, автоном транспорт чараларының гамәлдәге үрнәкләр күргәзмәсе, җитештерү һәм лабораторияләр буенча техник турлар, Казан буенча экскурсия турлары, Digital Superhero хакатоннарының җәйге серия финалы. https://kazandigitalweek.com/
Форум берничә тематик юнәлеш буенча узачак:
ИТС һәм ситуацион үзәкләр – икътисадның һәм халыкның тормыш-көнкүрешен тәэмин итү буенча интеллектуаль транспорт системаларының һәм ситуацион үзәкләрнең заманча юнәлешләре белән таныштыру, фикер алышу һәм анализлау («Милли телематик системалар» концерны һәм ЭРТИКО - ИТС Европа ассоциациясе ярдәме белән);
Яңа заманның киберкуркынычсызлыгы – бу өлкәдә дөнья һәм Россия трендларын җентекләп тикшерү: мәгълүмат саклауның техник чаралары, киберкуркынычсызлыкны тәэмин итүнең тармак аспектлары, мәгълүматны яклау өлкәсендә законнарны җайга салучы киберкуркынычсызлык сервисларын куллану тәҗрибәләре (InnoSTage компанияләр төркеме ярдәмендә);
Финтех экосистемасы - банк сегменты өчен финанс технологияләре юнәлешләре, финтех проектларын законнар тарафыннан җайга салу, банк тармагында ясалма интеллект һәм роботлаштыру технологияләрен куллану («АК БАРС» БАНК ГАҖ ярдәме белән);
Бизнеска кергән яңалыклар - корпоратив бурычлар һәм стартаплар чигендә, венчур инвестицияләүнең дөнья һәм Россия тенденцияләрендә, гамәлдәге бизнес-процессларны үзгәртүгә юнәлтелгән яшь компанияләрнең инновацион идеяләре арасында булган яңа идеяләрне күзәтү (Татарстан Республикасы Инвестиция-венчур фонды ярдәме белән).
Чараның генераль партнеры - Huawei компаниясе.
Форумны оештыручылар Көнчыгыш Европа, Азия төбәкләрендә, Россия Федерациясендә һәм Татарстан Республикасында цифрлы интеллектуаль технологияләрне үстерү һәм гамәлгә кертү перспективалары белән кызыксынучыларның барысын да чакыра.