Арча районы Утар Аты авылында кулланучылар хокукларын яклау мәсьәләләре буенча гражданнарны кабул итү булды
2020 елның 3 сентябрендә Татарстан Республикасы Арча муниципаль районы Утар Аты авыл җирлегендә кулланучылар хокукларын яклау һәм алкогольле продукция сату өлкәсендәге мәсьәләләр буенча гражданнарны күчмә кабул итү оештырылды һәм үткәрелде. Кабул итүне Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров, Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина алып барды.
Кабул итү вакытында 9 кеше консультация алды. Гражданнар үзләрен кызыксындырган сорауларны бирделәр. Мәсәлән, сыйфатсыз товар сатып алынган очракта, таләпләр кую сроклары турында; техник яктан катлаулы товарларга экспертиза үткәрү һәм диагностика үткәрү; торак-коммуналь хуҗалык өлкәсеннән сораулар яңгырады. Алкогольле продукция сату турында да сөйләштеләр. Гражданнарга Татарстан Республикасы Дәүләт алкоголь инспекциясенең «Кулланучылар хокукларын яклау» Интернет-сайты турында хәбәр иттеләр, анда претензияләр үрнәкләрен һәм бик күп файдалы һәм кирәкле мәгълүматны табарга була. «Халык контроле» ТР Дәүләт мәгълүмат системасы аша гражданнарның мөрәҗәгать итү мөмкинлеге турындагы тема да кузгатылды.