Интернет-сатып алу: тиешле сыйфатлы товарны ничек кире кайтарырга?
Татарстан Республикасы Дәүләт алкоголь инспекциясенең Чистай территориаль органына кулланучы интернет-кибеттә сатып алган сыйфатлы автомагнитола өчен акчаны кире кайтаруда ярдәм итүне сорап мөрәҗәгать итте. Товарны алганнан соң, ул магнитоланың техник характеристикалары канәгатьләндермәвен ачыклый. Сатып алучы товарны сатучыга кире кайтару турында карар кабул иткән, тик моны ничек эшләргә икәнен белми, өстәвенә, офис Мәскәүдә урнашкан, һәм товар өчен акчаны кире кайтарып булмый дип аңлаган. Кулланучы үтенече буенча барлык хәлләрне ачыклаганнан соң, акчаны кире кайтару таләбе белән дәгъва проекты әзерләнде, өстәвенә, бу гамәлдәге законнарда каралган. «Кулланучылар хокукларын яклау турында» РФ Законының 26.1 статьясы һәм товарларны дистанцион ысул белән сату кагыйдәләре кулланучыга сәбәпләрен аңлатмыйча гына товарны кире кайтару хокукын бирә. Сатып алучы товарны кулланучыга тапшырганчыга кадәр теләсә кайсы вакытта, ә товарны тапшырганнан соң 7 көн эчендә аннан баш тартырга хокуклы. Тиешле сыйфатлы товарны кире кайтару тәртибе һәм сроклары турында мәгълүмат товарны илтеп тапшырган вакытта язма рәвештә бирелмәсә, сатып алучы товарны тапшырганнан соң өч ай эчендә товардан баш тартырга хокуклы. Товарның төре, куллану үзлекләре, шулай ук сатып алу фактын һәм шартларын раслаучы документ сакланса, сыйфатлы товарны кире кайтару мөмкин. Кулланучы, әгәр күрсәтелгән товар бары тик сатып алучыга гына кулланылырга мөмкин булса, индивидуаль-билгеле бер үзлекләре булган сыйфатлы товардан баш тартырга хокуклы түгел. Кулланучының товардан баш тарткан очракта, сатучы, кулланучы тарафыннан шартнамә буенча түләнгән акчаны, сатучының кире кайтарылган товарны кулланучыдан китерүгә тотылган чыгымнарыннан тыш, кулланучы тарафыннан тиешле таләп куелганнан соң ун көннән дә соңга калмыйча кире кайтарырга тиеш. Моннан тыш, «Кулланучылар хокукларын яклау турында» РФ Законының 26.1 статьясы нигезендә РФ Хөкүмәтенең 19.01.1998 ел, № 55 карары белән расланган башка күләмле, форма, габарит, фасон, төсе яки комплектациясе туры килгән, азык-төлек булмаган товарлар исемлегенә кергән товарлар да алмаштырылырга яки кире кайтарылырга тиеш.