Интернеттан сатып алу: размеры буенча туры килмәгән күлмәкне ничек кире кайтарырга?
Татарстан Республикасы Дәүләт алкоголь инспекциясенең Казан территориаль органына кулланучы Интернет-кибет аша сатып алынган күлмәкне кире кайтарып буламы, дигән сорау белән мөрәҗәгать итте.
«Кулланучылар хокукларын яклау турында» 1992 елның 7 февралендәге 2300-I номерлы РФ Законының 26.1 статьясы нигезендә, кулланучы товарны тапшырганчы теләсә кайсы вакытта, ә товарны тапшырганнан соң җиде көн дәвамында товардан баш тартырга хокуклы.
Тиешле сыйфатлы товарны кире кайтару тәртибе һәм сроклары турында мәгълүмат товарны илтеп тапшырганнан соң язма рәвештә бирелмәсә, кулланучыга товарны тапшырганнан соң өч ай эчендә товардан баш тартырга хокуклы.
Товарның товар төре, куллану үзлекләре, шулай ук әлеге товарның сатып алу фактын һәм шартларын раслаучы документ сакланган очракта, тиешле сыйфатлы товарны кире кайтару мөмкин. Кулланучының товарны сатып алу фактын һәм шартларын раслаучы документы булмау аны әлеге сатучыдан товар сатып алуның башка дәлилләренә сылтама ясау мөмкинлегеннән мәхрүм итми.
Кулланучының товардан баш тарткан очракта, сатучы, кулланучы тарафыннан шартнамә буенча түләнгән акчаны, сатучының кире кайтарылган товарны кулланучыдан китерүгә чыгымнарыннан тыш, кулланучы тарафыннан тиешле таләп куелганнан соң ун көннән дә соңга калмыйча акчаны кире кайтарырга тиеш.