Кибет хезмәткәрләре өчен «Бөтендөнья сыйфат атнасы»на багышланган семинар үткәрелде
11 ноябрьдә, «Бөтендөнья сыйфат атнасы» уңаеннан, Татарстан Республикасы Дәүләт алкоголь инспекциясенең Казан территориаль органы эчке базарны үстерү бүлеге хезмәткәре тарафыннан Казан ш., Һади Такташ ур., 77 адресы буенча урнашкан «Агроторг» ҖЧҖнең «Пяторочка» кибете хезмәткәрләре өчен күчмә чара үткәрелде.
Тыңлаучыларга кулланучылар хокукларын яклау өлкәсендә мөнәсәбәтләрне җайга салучы закон һәм норматив актлар турында мәгълүмат бирелде. Катнашучылар игътибарына Россия Федерациясе Гражданнар кодексының, «Кулланучылар хокукларын яклау турында» 07.02.1992 ел, № 2300-1 Россия Федерациясе Законының, Россия Федерациясе Хөкүмәтенең 19.01.1998 ел, № 55 карары белән расланган товарларның аерым төрләрен сату Кагыйдәләренең төп нигезләмәләре җиткерелде.
Хезмәткәрләргә кулланучы почмагын рәсмиләштерү буенча таләпләр җиткерелде, товарларның аерым төрләрен сату Кагыйдәләренең гомуми нигезләмәләре, сатыла торган товарларга бәяләрне рәсмиләштерү һәм урнаштыру кагыйдәләре, сатып алучылар мөрәҗәгатьләрен карау тәртибе аңлатылды.
Россия Федерациясе законнарын еш очрый торган бозулар һәм аларны булдырмау ысуллары, сатучы белән сатып алучы арасында килеп чыккан конфликтлы хәлләрне хәл итү тәртибе каралды.
Катнашучыларга кулланучыларның шикаятьләрен һәм мөрәҗәгатьләрен карау тәртибе, сатып алучылар өчен сатучы һәм сатыла торган товар турында, фикерләр һәм тәкъдимнәр китабы бирү турында кирәкле мәгълүматның булу-булмавы турында таләпләр аңлатылды.
Катнашучыларның аерым игътибары конфликтлы хәлләргә, шул исәптән сыйфатсыз товарларны кире кайтарганда да, товарларда җитешсезлекләр барлыкка килү сәбәпләренә һәм экспертизалар үткәрү срокларына юнәлтелде.
Хезмәткәрләр сатып алучыларга сыйфатлы хезмәт күрсәтү һәм гамәлдәге законнар нигезендә үз эшчәнлекләрен тормышка ашыру белән кызыксынуларын белдерделәр. Кулланучылар хокукларын яклау буенча сораулар килеп туган очракта, этил спиртын җитештерүне, аның әйләнешен һәм сыйфатын дәүләт контролендә тотуны тәэмин итү һәм кулланучылар хокукларын яклау буенча Татарстан Республикасы Дәүләт инспекциясенә мөрәҗәгать итәргә тәкъдим ителде.
Шулай ук яңа коронавирус йогышлы авыруы таралу куркынычы янауга бәйле рәвештә шәхси саклану чараларын куллану зарурилыгы саклана һәм мәҗбүри булып тора, дип искәрттеләр.