Балтач районы Норма мәктәбе укучылары өчен дистанцион дәрес үткәрелде
Сыйфат көнен үткәрү кысаларында, 12 ноябрьдә, Татарстан Республикасы Арча территориаль органының эчке базарны үстерү һәм координацияләү бүлеге начальнигы Ләйсән Абдуллина, ZOOM платформасы ярдәмендә, Балтач муниципаль районы Норма урта гомуми белем бирү мәктәбендә укучылар белән куллану белемнәре нигезләре буенча класстан тыш дәрес үткәрде.
Укучыларга сыйфат көненең килеп чыгу тарихы, Россия сыйфат системасы турында мәгълүмат җиткерелде. Кулланучылар хокукларын яклау турында законның гомуми нигезләмәләре, кулланучыларның төп хокуклары, кулланучы хокукларын бозган өчен сатучының (җитештерүченең, башкаручының) җаваплылыгы аңлатылды. «Кулланучылар хокукларын яклау» темасына ел саен үткәрелә торган республика олимпиадасы турында мәгълүмат бирелде.
Кулланучылар хокукларын яклауның теләсә кайсы системасының үтемлелеге кулланучыны законнар бирә торган хокуклардан файдаланырга өйрәтү өчен тәэмин ителә. Бу лекцияләр укучыларда актив кызыксыну уята, безнең бурыч - укучылар үз хокукларын кыю рәвештә якларга тиеш.
8 һәм 10 сыйныф укучылары арасында, аларны тормышка ашыру кирәклеген нигезләп, халыкның аң-белемнәрен арттыру буенча конкрет чаралар күрелде.
Проблемалы хәлләрнең күбесе законлы хокукларны белмәү белән бәйле. Нәтиҗәдә, гражданнар инде килеп чыккан хокук бозу яки канәгатьсезлек факты буенча мөрәҗәгать итә. Үз хокукларын белмәү, түбән мәгълүматлылык гражданнарның җәмгыятьнең социаль, иҗтимагый тормышына аз тартылуының төп сәбәбе булып тора.
Үсеп килүче буынга, илебезнең киләчәгенә кулланучылар хокукларын яклау өлкәсендә белем алып, без илебезнең икътисадый үсеше өчен ныклы нигез булдырачакбыз.