«Арзан» сәүдә үзәге территориясендә радиотапшыруны сыйфат көненә багышладылар
2020 елда Бөтендөнья сыйфат атнасы 9-15 ноябрь көненә, сыйфат көне - 12 ноябрьгә туры килә.
Татарстан Республикасы Дәүләт алкоголь инспекциясенең Яр Чаллы территориаль органы белгечләре нәкъ менә шул көнне «Арзан» сәүдә үзәге территориясендә радиотапшыру оештырды.
Тыңлаучыларга «Бөтендөнья сыйфат көне»нең килеп чыгышы турында мәгълүмат җиткерелде. Товарларның аерым төрләрен сатудагы яңалыклар, аерым алганда, автошиналар, тәмәке продукциясе, фототехника, аяк киеме, дару чаралары сатуның яңа кагыйдәләре турында мәгълүмат җиткерелде. 2020 елдан әлеге төр товарларны маркировкалау мәҗбүри. Эшмәкәрләр һәм кулланучыларга «Кайнар линия» эше турында хәбәр ителде, анда Яр Чаллы шәһәрендә яшәүчеләр кулланучылар хокукларын яклау өлкәсендә сораулар белән мөрәҗәгать итә алалар.