Кызгану хисе сатучыга өстәмә мәшәкать тудырырга мөмкин
«Татарстан Республикасы территориясендә алкогольле продукцияне ваклап сату вакытына, шартларына һәм урыннарына өстәмә чикләүләр һәм Татарстан Республикасының кайбер закон актларының үз көчләрен югалтуын тану турында» 10-ТРЗ номерлы Татарстан Республикасында алкогольле продукцияне ваклап сату вакытына, шартларына һәм урыннарына өстәмә чикләүләр билгеләнде, шулай ук алкогольне ваклап сатуны тыю шартлары санап үтелгән. Әлеге документ нигезендә 22 сәгатьтән 10 сәгатькә кадәр алкогольле продукция сатуны тыю гамәлдә.
Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре «Этил спиртын, алкогольле һәм спиртлы продукция җитештерүне һәм әйләнешен дәүләти җайга салу турында» №171-ФЗ РФ Федераль законын үтәү барышында Түбән Кама сәүдә объектларының берсендә алкогольле продукцияне, аерым алганда, сыраны алкогольле һәм спиртлы продукция сатуны чикләү сәгатьләрендә ваклап сату ачыкланды. Сатучының аңлатмаларыннан күренгәнчә, ул сыра сатуын сораган сатып алучыны кызганган, чөнки аңа айнырга кирәк булган. Бу факт буенча РФ КоАП 14.6 ст.3 өлеше буенча административ хокук бозу турында беркетмә төзеләчәк.
Юридик зат оештырмыйча гына эшкуарлык эшчәнлеген башкаручы затлар, әгәр әлеге Кодекста башкасы билгеләнмәгән булса, вазыйфаи затлар буларак, административ җаваплылыкка тартыла.