ЯҢАЛЫКЛАР

Россия Эчке эшләр министрлыгының Аксубай районы буенча идарәсе хезмәткәрләре тарафыннан ТР Дәүләт алкоголь инспекциясенең Түбән Кама территориаль органына гражданканың район кибетләренең берсендә вакыты чыккан алкоголь продукциясен сатып алуы турындагы тикшерү материалын тапшырганнар. Сатып алучы бер шешә сыра сатып алган, соңрак, кибетне полиция хезмәткәрләре караган вакытта, шулай ук яраклылык вакыты чыккан бер шешә күләмендә шундый ук сыра алынган. 

Россия Эчке эшләр министрлыгының Лениногорск районы бүлеге хезмәткәрләре  «Х.e» кибетендә балигъ булмаган балага алкоголь продукциясе сату фактын ачыклаганнар. Алкоголь продукциясенең гомуми күләме 1,55 литр тәшкил иткән.

Полиция хезмәткәрләре Әлмәт районындагы «Б» кибетендә шәхси эшмәкәрнең 24 шешә сыра законсыз сату фактын ачыклаган. Эшмәкәрнең бу эчемлекне җитештерү һәм сату законлылыгын раслый торган кирәкле кәгазьләре булмаган. Хәзер хокук бозучыны Россия законнары нигезендә административ җәза көтә. Материалларны Татарстан Республикасы Дәүләт алкоголь инспекциясенең Әлмәт территориаль органына тапшырдылар, анда документар тикшерү үткәреләчәк.

Баулы районы буенча ЭЭБ һәм ПК бүлеге хезмәткәрләре торак йорттан физик затның спиртлы продукция сату фактын ачыклаган. Алынган продукциянең гомуми саны 0,3 литр тәшкил итә.

Татарстан Дәүләт алкоголь инспекциясенең Әлмәт территориаль органы Бөгелмә полициясенең икътисадый куркынычсызлык һәм коррупциягә каршы көрәш бүлегеннән тикшерү материаллары алды. Шәхси эшмәкәр тарафыннан «В» кафесында алкоголь продукциясен законсыз сатканлыгы ачыкланган.

Россия Эчке эшләр министрлыгының Азнакай районы буенча Эчке эшләр бүлегенең икътисадый куркынычсызлык һәм коррупциягә каршы көрәш бүлеге хезмәткәрләре «А» кибетендә яраклылык срогы чыккан алкоголь продукциясен сату фактын ачыкладылар.

Әлмәт полициясенең икътисадый куркынычсызлык һәм коррупциягә каршы көрәш бүлекчәсе хезмәткәрләре җирле массаж салонында легаль булмаган алкоголь сату очрагын ачыклаган. Хокук саклаучылар анда гомуми күләме 72 литрдан артык булган төрле спиртлы эчемлекләрнең 136 шешәсен тартып алган.

Зәй шәһәре полиция бүлеге алкоголь сату турындагы законны бозуны ачыклаган: хатын-кыз этил спиртын саткан. Тикшерү вакытында хезмәткәрләр мондый продукция салынган шешәләрне күбрәк тапканнар, алар арасында хәтта бит тиресе өчен гадәти косметик лосьон да булган. Барлыгы бер литрдан артык спирт конфискацияләнгән.

Татарстан Республикасы Дәүләт алкоголь инспекциясенең Түбән Кама территориаль органына Россия Эчке эшләр министрлыгының Түбән Кама районы буенча идарәсеннән шәхси эшмәкәргә карата эш материалы килде, аның кафесында алкоголь продукциясен тиешле лицензиясез, аларны җитештерүнең һәм әйләнешенең легальлеген раслый торган товар үткәрү документларысыз, билгеләнгән үрнәктәге маркаларсыз ваклап сату факты ачыкланды. Тартып алынган продукция күләме 53 шешә, гомуми күләме 27,5 литр – Түбән Кама территориаль органына тапшырылган.

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Әлмәт районы буенча МЭБ һәм ПК бүлегеннән тикшерү материалы килде: «В» массаж салонында шәхси эшмәкәр тарафыннан 10 исемдә алкоголь продукциясен законсыз сату факты ачыкланган.