Татарстан Республикасы Дәүләт алкоголь инспекциясенең Чистай территориаль органы юбилярларны котлады
Узып баручы ел Татарстан Республикасында «Хәтер һәм Дан елы» булып тора. Шул уңайдан юбилярларны хөрмәтләүгә аерым игътибар бирелә. 2020 елның декабрендә Цыгановлар гаиләсе үзенең 30 еллык юбилеен билгеләп үтә.
Цыганова Надежда Николаевна - Татарстан Республикасы Дәүләт алкоголь инспекциясенең Чистай территориаль органы контроль-инспекция бүлеге начальнигы.
Надежда 1971 елда Чистай шәһәрендә туа. 1нче урта мәктәпне тәмамлап, 1988 елда Канаш финанс техникумына укырга керә. 1990 елда «Финансист» белгечлеге ала.
1990 елның декабрендә Виктор Цыгановка кияүгә чыга. Шул ук елны хезмәт эшчәнлеген салым органнарында башлый, ул 1990 елның 1 июленнән 2005 елның ноябренә кадәр Россия Федерациясе дәүләт граждан хезмәте вазыйфаларында эшли һәм читтән торып «икътисадчы» белгечлеге буенча югары белем ала.
Цыгановлар гаиләсе кыз һәм ул тәрбияләп үстергән. Хәзерге вакытта ир белән хатын 10 һәм 9 яшьлек оныкларын тәрбияләргә булышалар. Ялны гаилә белән үткәрүне өстен күрәләр. Надежда өчен ире - ышанычлы терәк – балалар һәм оныклары – шатлык чыганагы, ә эш - керем чыганагы гына түгел, ә үз-үзен үстерү ысулы да.
Татарстан Республикасы Дәүләт алкоголь инспекциясендә эшләү дәверендә Надежда Цыганова алкогольле һәм спиртлы продукция әйләнешенә дәүләт контроле өлкәсендә территориаль орган эшчәнлегенә зур өлеш кертте.
Без юбилярларны котлыйбыз һәм аларга гаилә бәхете, нык сәламәтлек телибез!