Сарманда спиртлы продукциянең законсыз әйләнешенә чик куелды

2021 елның 4 феврале, пәнҗешәмбе

Россия Эчке эшләр министрлыгының Сарман муниципаль районы буенча бүлеге хезмәткәрләре тарафыннан үткәрелгән «тикшерү максатында сатып алу» чаралары барышында Сарман районындагы шәхси йортта законсыз рәвештә спиртлы сыекча сату факты ачыкланды. Барлыгы 75,5 литр күләмендә спиртлы продукция тартып алынды.

Административ тикшерү үткәрү өчен эш материаллары Татарстан Республикасы Дәүләт алкоголь инспекциясенең Түбән Кама территориаль органына тапшырылды. Гражданинга карата әлеге факт буенча административ тикшерү үткәреләчәк. Тартып алынган барлык алкогольле продукция экспертизага җибәрелде.