Тәтеш муниципаль районында хокук бозуларны профилактикалау буенча ведомствоара комиссия утырышы булды
2021 елның 4 февралендә Тәтеш муниципаль районы Башлыгы Рәмис Сафиуллов рәислегендә Тәтеш муниципаль районында хокук бозуларны профилактикалау буенча Ведомствоара комиссиянең чираттагы утырышы булды.
Комиссия эшендә Татарстан Республикасы Дәүләт алкоголь инспекциясенең Яшел Үзән территориаль органы кураторы Татьяна Хәбибуллина, территориаль орган начальнигы Рифат Сөнгатуллин катнашты.
Утырыш кысаларында территориаль органның контроль-инспекция бүлегенең әйдәп баручы белгеч-эксперты Елена Сазонова доклады тыңланды, анда 2020 ел йомгаклары буенча районның алкоголь базарының төп күрсәткечләре яңгырады.
Тәтеш районы буенча Россия Эчке эшләр министрлыгының 2020 елдагы эше турында оператив эш буенча начальник урынбасары Айрат Әхмәдуллин сөйләде.
Татьяна Хәбибуллина алкогольле продукциянең легаль булмаган әйләнешен кисәтү, шулай ук торак пунктларны лицензияле сәүдә объектлары белән тәэмин итү буенча эшне активлаштырырга кирәклеген билгеләп үтте.
Киңәшмә нәтиҗәләре буенча 2021 елга бурычлар билгеләнде, аларны үтәү өчен кирәкле чаралар исемлеге билгеләнде.
Район Башлыгы Рәмис Сафиуллов йомгаклау чыгышында билгеләп үткәнчә, алкоголь базарында күрсәткечләрне яхшырту өчен җирле үзидарә органнары, алкоголь базарында катнашучылар, хокук саклау органнары, контрольлек итүче органнар белән бергәләп планлы эш алып барырга кирәк.