Стационар булмаган урында сыра сату тыелган
Эшмәкәрләргә алкогольле продукция әйләнеше өлкәсендә закон нормаларын (ә сыра һәм сыра эчемлекләре, белүебезчә, шулай ук алкоголь) киңәйтүгә карамастан, аерым эшмәкәрләр, уңышка исәп тотып, әлеге нормаларны бозуларын дәвам итәләр.
Шулай итеп, Татарстан Республикасы Дәүләт алкоголь инспекциясенең Казан территориаль органы һәм Казан шәһәре Авиатөзелеш районында хокук саклау органнары хезмәткәрләренең чираттагы уртак сәфәре барышында стационар булмаган сәүдә объекты ачыкланды, анда сыра эчемлекләрен сату бик киң җәелгән.
Клиентлар агымы аз түгел, дип фикер йөрткәндә, биредә сыра һәм сыра продукциясен сату озак вакыт дәвам иткәнлеген аңларга була.
Үткәрелгән чара нәтиҗәсендә 378,98 литрдан артык сыра һәм сыра эчемлекләре законсыз әйләнештән алынды.
Хәзерге вакытта административ тикшерү үткәрелә, алга таба суд тарафыннан эшкуарга карата да, тартып алынган продукциягә карата да тиешле карар кабул ителәчәк.