Әгерҗе муниципаль районында ведомствоара комиссия утырышы узды
Әгерҗе муниципаль районында башкарма комитет җитәкчесе урынбасары Баженова О.А. рәислегендә этил спирты һәм алкогольле продукциянең законсыз әйләнешен ачыклау һәм булдырмау буенча ведомствоара комиссиянең чираттагы утырышы узды.
Утырыш барышында районның алкоголь базарының торышы, шул исәптән 2020 ел һәм 2021 елның гыйнвар ае йомгаклары буенча авыл җирлекләре һәм сәүдә объектлары киселешендәге мәсьәләләр каралды. Киңәшмәдә шулай ук алкогольле продукцияне, шул исәптән республика җитештерүчеләренең яңалыклары, авыл сәүдә объектларының эше, «адреслы программа» буенча объектларның эше турында да сөйләштеләр. Легаль хәмер сатучы лицензияле сәүдә объектларының дислокациясе анализланды. Районда алкогольле продукциянең легаль булмаган әйләнеше булганда «Халык контроле» системасына мөрәҗәгатьләрнең аз булуы билгеләп үтелде. Җирле җитештерүчеләрнең сыра сату мәсьәләләренә аерым игътибар бирелде.
Хуҗалык итүче субъектлар алдына җирле җитештерүчеләр продукциясен сату, алкогольле продукциянең легаль булмаган әйләнеше фактлары буенча «Халык контроле» дәүләт мәгълүмат системасына мөрәҗәгать итү мөмкинлеген аңлату буенча бурычлар куелды.