«Калдыкларны керемгә» акциясе: иң яхшы чүп-чар - барлыкка килмәгән чүп-чар
Планетаның пластик калдыклар белән пычрануы катастрофик масштабларга ия. Пластик чүп-чар күбесенчә кешенең җитештерү һәм хуҗалык-көнкүреш эшчәнлеге нәтиҗәсендә барлыкка килә. Чүп-чарның төп өлеше - өлешчә таркала торган төрү материаллары һәм целлофан пакетлар, ул полимерлар җитештерү буенча дөнья күләменең өчтән бер өлешен тәшкил итә.
Бүген Түбән Камада икенчел чимал - макулатура, пластик шешәләр, тимер банкалар, целлофан, эшкәртелгән батарейкалар һәм аккумуляторлар кабул итү буенча экоакция узды. Чараны Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре катнашында «Мобэко» компаниясе белән берлектә балалар экология үзәге оештырды. Әлеге акциядән файдаланган түбәнкамалыларга Татарстан Республикасы кулланучылар хокукларын яклау программасы логотибы төшерелгән бүләкләр тапшырылды.
Акцияне оештыручылар: «Бер тапкыр кулланыла торган пластик күп тапкыр куллану өчен билгеләнмәгән. Әгәр дә ул сезгә эләксә, аны дөрес утильләштерергә тырышыгыз. Бер тапкыр кулланыла торган савыт-сабага альтернатива: стакан яки термокружка, шәхси аш приборлары һәм ланчбокс, капчык һәм сумкалар булдыру. Иң яхшы чүп-чар - барлыкка килмәгән чүп-чар», - дип киңәш бирә.