Болгар шәһәрендә Бөтендөнья татар хатын-кызларының «Ак калфак» иҗтимагый оешмасы утырышы узды
Болгар шәһәрендә Бөтендөнья татар хатын-кызларының «Ак калфак» иҗтимагый оешмасы утырышы узды.
Чара Болгар балалар сәнгать мәктәбе базасында узды. Утырыш эшендә Татарстан Республикасы Спас муниципаль районы башлыгы Фәргать Мөхәммәтов, Бөтендөнья татар хатын-кызлары форумы җитәкчесе, «Ак калфак» татар хатын-кызларының региональ иҗтимагый оешмасы рәисе Кадрия Идрисова, Бөтендөнья татар конгрессының район бүлеге җитәкчесе-тарих фәннәре кандидаты Җәмил Мөхәммәтшин, Бөтендөнья татар хатын-кызлары форумы җитәкчесе, «Ак калфак» татар хатын-кызларының региональ иҗтимагый оешмасы рәисе урынбасары Алия Басирова катнашты.
Әлеге оешманың максаты -хатын-кызлар, гаилә һәм балалар тормышын яхшырту буенча дәүләт сәясәтен билгеләүдә актив катнашу; хатын-кызлар, аерым алганда, хатын-кызлар эшсезлеге, ана һәм балачакны саклау, күп балалы гаиләләргә ярдәм итү, дөньякүләм икътисади һәм сәяси процессларда хатын-кызларның ролен күтәрү, милли гаиләне саклау, телне, гореф-гадәтләрне саклау һәм үстерү юлы белән татар милләтен берләштерү.
Оешма милли үзенчәлекне саклау, гореф-гадәтләрне һәм йолаларны торгызу, туган телгә ихтирамлы мөнәсәбәт, татар мәктәпләре, гимназияләрен булдыруда ярдәм итә; милли кием атрибутикасын, татар милли ашлары әзерләү, тегү һәм чигү буенча курслар һәм мастер–класслар ачуга ярдәм итә; ана һәм балаларны социаль һәм хокукый яклау турында закон актларын эшләүдә актив катнаша.
Татарстан Республикасы Дәүләт алкоголь инспекциясенең Чистай территориаль органы белгече Бөтендөнья татар хатын-кызларының «Ак калфак» иҗтимагый оешмасы утырышында катнашты. Бу чара 2021 елда Татарстан Республикасында Туган телләр һәм Халыклар бердәмлеге елы кысаларында аеруча актуаль.