Бөтендөнья кулланучылар хокукларын яклау көне алдыннан Әлки районына сәфәр кылынды
Татарстан Республикасы Дәүләт алкоголь инспекциясенең Чистай территориаль органы хезмәткәрләре Бөтендөнья кулланучылар хокукларын яклау көне алдыннан Татарстан Республикасы Әлки муниципаль районында кулланучылар хокукларын яклау турында законнарны аңлату буенча күчмә чаралар комплексы үткәрде.
Кулланучылар хокукларын яклау мәсьәләләре буенча гражданнарга консультацияләр бирү максаты белән авыл халкы белән очрашулар, хуҗалык итүче субъектлар, шул исәптән ММИ белгечләре өчен семинар-укулар оештырылды. Кулланучылар мәгарифе буенча чаралар Татарстан Республикасы Әлки муниципаль районының Яңа Салман урта гомуми белем бирү мәктәбе укучылары өчен дә, халыкның социаль яктан авыр катламнары өчен дә уздырылды. Моннан тыш, «Алып Хан» сәүдә йортында дежур тору, КФҮ ДБУда һәм «Альянс» бизнес-үзәгендә консультация өстәлләре үткәрелде.
Халыкара кулланучылар оешмасы Бөтендөнья кулланучылар хокукларын яклау көне 2021 елның 15 мартында «Пластик материаллар белән пычрануга каршы көрәш» шигаре астында уза, белгечләр тарафыннан кулланучыларга һәм хуҗалык итүче субъектларга җиткерелгән барлык мәгълүмати материал пластик калдыклар белән пычрануның глобаль проблемасы турында фикер алышуга багышланган иде.
Чаралар барышында кулланучыларга һәм хуҗалык итүче субъектларга танышу өчен буклетлар һәм «Вестник потребителя Татарстана» газетасы тапшырылды.