Кибеттә укыту семинары үткәрелде
Татарстан Республикасы Дәүләт алкоголь инспекциясенең Арча территориаль органы хезмәткәрләре 2021 елның 12 мартында шәхси эшмәкәр Төхвәтуллин А.М.ның хуҗалык товарлары белән сәүдә итүче сәүдә объектында укыту семинары үткәрде. Шәхси эшмәкәргә һәм кибет сатучысына «Кулланучылар хокукларын яклау турында» РФ Законының төп нигезләмәләре аңлатылды, аның нигезендә сатучы кулланучыга сыйфаты килешүгә туры килә торган товарны тапшырырга тиеш. Килешүдә товарның сыйфаты турында шартлар булмаганда, сатучы кулланучыга, гадәттә, куела торган таләпләргә туры килә торган һәм мондый төрдә кулланыла торган максатлар өчен яраклы товарны тапшырырга тиеш. Шулай ук товарларның аерым төрләрен сату Кагыйдәләре нигезендә аңлатмалар бирелде. Сатыла торган товарларга һәм кулланучы почмагына бәяләр билгеләү кагыйдәләре турында киңәш-табыш бирелде. Шул исәптән кулланучылар базары өлкәсендә сатучыларны гына түгел, сатып алучыларны да кызыксындырган күп кенә мәсьәләләр каралды.
Чара ахырында кулланучылар хокукларын яклау өлкәсендә төрле тематикалы буклетлар һәм территориаль орган реквизитлары белән визиткалар өләшенде.