Баулы икмәк заводында чара узды
«Баулы икмәк заводы» ҖЧҖ кибетләренең берсендә Әлмәт территориаль органы хезмәткәре Кадрия Галиева, башкарма комитет белгече Галина Повольнова белән берлектә, сатып алучылар өчен аларның хокукларын яклау мәсьәләләре буенча консультация өстәле оештырды.
Баулы икмәк заводы тарихы 1953 елда ук башлана. 1953 елдан «Баулы икмәк заводы» ҖЧҖ реконструкцияләнмәгәнлектән, завод зыянлы булып чыга һәм аны ябу мәсьәләсе хәл ителә. Әмма, 2008 елда «Баулы икмәк заводы» ҖЧҖнең «Кооператор» җаваплылыгы чикләнгән җәмгыяте (Татпотребсоюз системасы) сатып алган.
Бүгенге көндә бу технологик яктан заманча җиһазлар белән җиһазландырылган предприятие. Кондитер әйберләре (печенье, прәннек һәм зефир) чыгару буенча җиһазлар урнаштырылган. Элек бу төр продукция районга күрше өлкәләрдән китерелә иде. Икмәк-күмәч әйберләре ассортименты 35тән артык, ассортиментны 50 атамага кадәр киңәйтү планлаштырыла. Туңдырылган ярымфабрикатлар җитештерү буенча яңа цех ачылды (10 дан артык атама). Заманча сатып алучыларның сәламәт яшәү рәвешенә омтылуын исәпкә алып, предприятие диетик һәм дәвалау-профилактика үзлекләре булган продукция җитештерүгә басым ясый. Әлеге төркем эшләнмәләре составына әзер продукциянең аерым тәме һәм шифалы үзлекләре бирә торган табигый өстәмәләр һәм витаминнар керә.
Кулланучылар хокукларын яклау көненә багышланган кулланучылар дегустациясе, «Баулы икмәк заводы» ҖЧҖнең үз продукциясеннән торган күргәзмә-сату үткәрелде.